Governo Autonomo del Popolo Veneto

Republica Taliana

Decreto 28 Settembre 2000 nr.1 del Governo dei Veneti

Treponti de Teo£o
28 setenbre 2000

Riunion del Governo Nasiona£ del popo£o veneto, Governo del Popo£o Veneto

El prexidente del Governo, Cao, Luciano Franceschi, confermà da l'asenblea nasiona£ in data 27 dichiara :
"Riconfermo a mistri i siori Bulla Paolo pa £e finanse, Busato Mario pa i Trasporti, dichiaro decaduo Marchiori Maurizio dal ministero de l’artijanato, comercio e turismo pa inconpatibi£ità e nomino a£a carga el sior Cardin Stefano de Padoa.

In cuanto Cao de’l Governo dichiaro verta £a riunion e fiso l'ordine del jorno:
1) Normative so i trasporti e de çirco£asion;
2) inaugurasion del cavalcavia Corso Australia canton Limena a Padoa el dì 1 otobre 2000 e inaugurasion dea prima targa veneta

Discusion:
1) Se aprova co £e modifiche discuse el testo de rego£amento firma e alegà, co simi£e de targa conposta da sigla de Provincia, 3 carateri de progresivo alfanumerico spetanti al comune, 2 carateri de progresivo alfanumerico che indica el comune
2) se comunica a l'ANSTAV che se rinvia a altra data £a inaugurasion

Votà d'acordo tuti dai prexenti

Firmà dai prexenti





Firmà dal prexidente del Tribuna£ cofà segretario e pa lejitimità.

Allegato: Nuove norme sui trasporti ed immatricolazione

Governo Autonomo del popo£o Veneto - Republica Taliana
(Istitusion costituia da l'autogoverno conpetente
pa l'art.2 lexe n.340/1971, Pati de£a lexe n.881/1977 e
l' ato fina£ de Helsinki )

DECRETO
rego£amento de£a çirco£asion strada£e

In tute £e rue, strade, autostrade e trati percoribi£i co mexi de
trasporto su rode, inte'l teritorio sotoposto a l'autogoverno Veneto £e
rego£e de çirco£asion xe cueste:

1) ogni çitadin veneto ga l'obligo de rispetare so£o £e norme
strada£i aprovà o modificà de volta in volta da l'autogoverno veneto;

2) £e norme de£e cusita dite autorità rejona£i o comuna£i o provincia£i xe
va£ide so£o se l'autorità stesa xe conforme a£a lexe veneta e £a aplica pa
intiero;

3) £e norme de£e cusita dite autorità che no se sotopone a l'aministrasion
de l'autogoverno veneto, conpresi vigi£i urbani e "polizia" o
"carabinieri" no £e xe va£ide, e no ga da esare pagà gnanca na multa fata
da £ori;

4) vien aprovà cofà lexe de autogoverno veneto £e rego£e del codice de£a
strada de£a normativa europea e £e rego£e internasiona£i de£a çirco£asion
dei trasporti cusita come £e xe aplicae nei paexi de£a Union Europea;

5) tute £e modifiche in vanti a ste rego£e va scance£are cue£E in drio,
ma so£o se £e modifiche xe sta xontà da autorità de autogoverno veneto;

6) Tuti i documenti dei mexi de çirco£asion e £e autorixasion dà prima
de sto decreto (patenti, libreti de automexi, ecetera ) xe
riconosesti pa'l momento vaidi, ma da£a data de publicasion de sto
decreto xe va£idi so£o chei documenti aprovà da£e autorità indicae da sto
decreto steso. Tuti i documenti ga da portar in copertina un adexivo o
stema co'l leon marciano co scrito "Art.2 L.n.340/'71,L.n.881/'77" tacà
soto;

7) Ogni aministrasion comuna£ del teritorio Veneto ga da inprontare da
subito un uficio pa far i documenti che ghe serve al çitadin par poder
çirco£ar in rego£a par £e strade;

8) ogni comun po£ darghe in concesion sto servisio a dite private o
asociasion de inprese o agensie de pratiche proviste dei mexi e de£e
persone pa far bon servisio cofà xe stimabi£e. I servisi apaltai ga da
esare fornii da pì de na axienda e no ga da dar guadagno ai comuni, ai so
aministratori e a£e persone co £egami de sangue de primo e secondo grado
dei stesi;

9) tuti i comuni o i so concesionari de sto servisio publico ga da
notificare e£ Tribuna£e del popo£o Veneto dei documenti de çirco£asion
prodoti, conpresi cue£i provixori.

10) £a trasmision de£e copie dei documenti al Tribuna£ ga da esare fata
subito al momento de£a consegna al so paron, e ga da esare fata via email
o via fax.

11) L' autorixasion a£a guida de veico£i vien dà da l'uficio comuna£ de
rexidensa, fato ciaro che el dimandante gabia almanco 16 ani e che el
gabia pasà un exame che'l dimostra £a so bona cua£ità a condure sti
veico£i.

12) l'exame de guida ga da esare fato da persone abi£itae secondo £e
rego£e atua£i. Tuti i servisi publici de'l setore stabi£ise £e nove rego£e
pa l'abi£itasion entro el 31 Disenbre 2000.

13) £e nove targhe dei automexi ga da:
- vere stesa dimension de£e atua£i : davanti 18,5x34 de drio 11x49,5;
- portar na sigla fata da 7 carateri (letare o numari) co sta secuensa:
a) do carateri pa£a sigla de Provincia
b) £a bandiera marciana de£a nasion Veneta
c) 3 carateri dai dal Comune secondo progresivo
d) stema dea Republica taliana
e) 2 carateri che indica el numaro del comune
(es : TV 001 01 = prima targa de Trevixo dà dal Comun de Trevixo)
- lexibi£e da£a distansa de 30 metri;
- esare de materia£ che'l riflesa £a luce;
- de sfondo bianco co numari neri;

14) tuti i automexi deso in circo£o, gà l'obligo de esare in condision
rispondenti a£e rego£e de£a union europea, e anca l'obligo de far taliando
de contro£o almanco ogni sie mesi da na oficina a sielta e de conservar el
taliando;

15) No xe da pagare tase su£e revixion obligatorie;

16) xe scance£à £e tase de çirco£asion e de strumenti radio de ricesion a
bordo, e l'obligo de asicurasion del mexo;

17) ogni infrasion xe sansionà secondo £a gravità del caso co un ocio a£a
pratica de abitudine fin cuà aplicà;

18) xe de conpetensa del Tribuna£ del popo£o veneto £a decixion pa i
ricorsi contro £e sansion, £e so sentense modifica £a abitudine praticà.

L'oservansa a sto decreto ga da esare inposto da tuti i enti, e £e
istitusion e £e autorità inte'l teritorio de£e province de Be£un, Bergamo,
Bresia, Padoa, Pordenon, Rovigo, Trevixo, Venesia, Verona, Vicensa e £e
çità de Crema e Monfalcon parché sotoposte al Governo del Popo£o Veneto
cofà a£a Serenissima a£a data del 1797.

In mancansa dei ufici dei comuni po£ emetare targhe e tuti i documenti
necesari anca el Tribuna£ del Popo£o veneto o el ministero conpetente-

Firmà dal MISTRO DEI TRASPORTI
Busato Mario

Contro firmà dal CAO DEL GOVERNO
Fanceschi Luciano

Firmà dal MISTRO DE£A AGRICOLTURA, ARTIJANATO, COMERCIO E TURISMO
Cardin Stefano


Indice Decreti


"In NESSUN CASO un popolo può essere privato dei propri mezzi di sussistenza."
punto 2 art.1 "Patto internazionale sui diritti economici, sociali e culturali" , adottato dall'Assemblea Generale dell'ONU il 16/12/1966, ratificato dall'Italia il 15.09.1978; ordine d'esecuzione dato con legge n. 881 del 25.10.1977. "Pacta sunt Servanda", firmato un patto se ne diventa schiavi.