Costitussion del governo autonomo del popeo veneto
Noaltri,
popoeo veneto riconossuo da el l'articoeo 2 dea lese n.340 del 1971 dea Republica Taliana (Statuto dea Region Veneto),
costituio dai i iscriti aea lista dei citadini veneti,
secondo el l'articolo 2 de el "Pato internassionae reativo ai diriti civii e poitici",
secondo el l'articolo 2 de el "Pato internassionae reativo ai diriti dea economia, sociai e culturai"
promossi da ea Assemblea del Onu e riconossui dae Republica Taliana coa lese n.881 del 1977,
noaltri popoeo veneto se riunimo in ciapo costituente par scomissiar el nostro autogoverno.
L'autogoverno xe provisorio e funsiona coe regoe consiliari ispirae da ea tradission de Republica Veneta.
L'Autogoverno provede aea creassion de istitussion necesarie pai fini dell'autogoverno del popoe veneto
nei limiti dee lesi dei patti al so fondamento.
L'autogoverno crea e regoe pal funsionamento transitorio dee istitussion e e rende publiche.
L'autogoverno crea e regoe de incompatibilità de carica cuando necesario.
L'autogoverno se ispira e promove el decentramento de e istitussion inte i limiti del rispeto del popeo veneto e de i so principi.
Ovunque l'assion dell'autogoverno no riusisse a conseguire i scopi qua scriti, xe riconossuo el dirito de autoorganissasion nel rispeto dei stessi principi.
El ciapo costituente nomina Franceschi Luciano e Segato Giuseppe de el Autogoverno provisorio del Popeo Veneto.
Provisoriamente e nomine vegnarà rivedue almanco ogni 12 mesi fin aea assemblea costituente.
El popeo veneto elese i membri pa na asemblea che ga el potere de fare lesi coa maioransa cuaificada de i sie decimi.
L'assemblea xe fata de un numaro de membri in proporssion dea popoeassion coe regoe che stabiirà l'autogoverno.
El cao de ea assemblea xe queo che risulta el pì vota nee elession de ea assemblea.
L'assemblea de i membri vota el cao de el'autogoverno fra i so membri a maioransa de i sie decimi.
L'assemblea de i membri poe elesare el cao de el'autogoverno fra i iscriti a ea lista dei veneti coa maioransa cuaificada de i do tersi de i membri.
El Cao de l'autogoverno nomina i caomistri de el autogoverno che vien confermai uno a uno da ea assemblea coa maioransa cuaificada de i sie decimi de i membri.
L'assemblea dei membri poe far decadere el autogoverno coa maioransa cuaificada de i do tersi de i membri prima dea so scadensa.
E richieste pa e convocaassion de ea assemblea xe presentae al Cao dea assemblea che
ciama i membri entro i termini de e richieste.
L'assemblea se riunisse almanco ogni do mesi.
L'assemblea se riunisse anca drio richiesta del Cao dell'autogoverno.
L'assemblea se riunisse anca drio richiesta de almanco un decimo dei membri.
L'assemblea deta e so regoe interne.
Noaltri Popoeo vento, se ghemo riunio in sta costituente, e affermando de novo i nostri diriti de lese e poitici, sicuri dea nostri diriti e dea nostra libertà da soi conquistada,
riconossemo sta carta come "costitussion provisorio del popepo veneto"" e ea "Dichiarassion de i diriti de l'omo " come nostri principi de base, e se impegnemo par primi a far rispetare sti diriti che ogni veneto va torse.
Ghe domandemo a ogni parlante de lengua veneta de accetar sta Costitussion e a obligarse a rispetarla, garnatendoghe a ogni citadin el dirito de rinunciare e ea cittadinansa veneta ne el rispeto de i principi di autodeterminazione,
riservemo ea modifica de ea presente Costitussion a na Assemblea vota a sto scopo e eleta in proporssion fra i citadini.
Nessuno poe essere privà dea cittadinansa veneta se non ghe ne ga naltra.
Chiedi informazioni sull'Autogoverno